Apirilaren 5ean, "ZAZPIAK OIHAL BATETIKA" Euskal Herria Bilbon kantari

Datorren Apirilaren 5ean ekimen berezi bat antolatu du Euskal Herria kantuz sareak Bilboko Konpartsekin eta Bilbo Kantari taldearekin batera. Bilboko 7 kaleetan herrialde guztiak islatuko ditugu kantuan, kale bakoitzean herrialde bateko kantuak abestuaz. Euskal Herriko kantuzale guztiak deituak daude bertan parte hartzeko. 

Ekimena berezia izanik Euskal Telebistak grabatuko du, ondoren saio berezi batean eskaintzeko. 

Egitaraua:

12:30ean Kantujira Bilboko erdialdean hasita. Kafe Iruña. 

17:00ean Bilboko Plaza Barrian kantuzaleen elkarretaratzea. 

18:00etan, "Zazpiak oihal batetik" ekimenaren hasiera. 

20:00etan, Ekimenaren amaiera Plaza Barrian. 

Kantujira berezia, musikariekin, bertsolariekin, herrialde guztietako ordezkariekin, ... 

Informazio gehiago: Euskal Herria Kantuz bloga

Bazkaltzeko izena eman nahi dutenek formularioa bete behar dute bilboko konpartsetako webgunean:

Bilboko konpartsak

Irailaren 23an, astelehena: XX. Kantu afaria Urretxun Anje Duhaldekin.

Aurtengo kantu-afaria XX.a dugu. Urte asko pasa arren, ekimen arrakastatsua izaten jarraitzen du. Aurten euskal kantagintzako kantari erreferentzial bat ekarri nahi izan dugu gonbidatu gisa. Errobi taldean eman zituen bere lehen urratsak, eta ondoren bakarka ere kantagintzan izen handi bat izatera iritsi da,           

ongietorri ANJE DUHALDE.                            Tarteka gure betiko kantuak abestuko ditugu, horretarako gonbidatu bereziak izango ditugu: trikitilariak, joteroak, haurrak, elkarteetako kantuzaleak...

Animatu eta igo oholtzara gurekin batera kantuaz goxatzera.

Urretxuko Euskal Jaia: arratsaldean Taberna Ibiltariarekin kantujiran.

Urretxuko Euskal Jaia egunean, gurdien ibilaldia amaitu ondoren, tabernaz taberna arituko dira kantuan, Bizkaitik etorritako beste kantuzale hauek, "Taberna Ibiltaria". Beraz hor doakizue beste gonbidapen bat, kantuaz goxatzeko.

Talde honetaz zerbait gehiago jakin nahi buduzu:

Taberna ibiltaria

Irailaren 22an, Euskal Jaia Urretxun. Kantujira eguerdiko 13:00etan.

Datorren irailaren 22an, Urretxuko Euskal Jaia ospatuko dugu. Egun osoan ekimen ugari, goizean artisauen erakusketa, dantzariak, erraldoiak, arratsaldean berriz gurdien ibilaldia eta erakusketa. Tartean kantujiran aritzeko aukera, eguerdiko 13:00etan kantu saioa Bentazaharreko Mutiko Alaiak taldearen eskutik. Zatoz, animatu eta abestu gurekin batera!.

 



Zumarragako jaietan kantujira: Ekainaren 28an.

Badatoz jaiak, eta horrekin batera kalean alaitasuna eta poztasuna zabaltzeko gogoa eta nahia. Xede horrekin datorren ekainaren 28an, bilduko gara bi herrietako kantuzaleak ZU Kantarik antolatutako kantujiran. Urteroko hitzorduari helduko diogu, hau da, ekainaren 28an, ostirala, arratsaldeko 20:00etan, Iburretako plazatxoan. Bentazaharreko Mutiko Alaien laguntza musikala izango dugu.
Animatu eta zatoz gurekin!

Giro bikaina Zeraingo Otatza sagardotegian!!!

Apirilaren 20an, Kantuafaria OTATZA sagardotegian (Zerain)

Datorren apirilaren 20an, kanturako tarte ederra izango dugu Zeraingo OTATZA sagardotegian.

Bertan, Bentazaharreko Mutiko Alaiak taldearen eskutik gure kantu ederrenak abesteko aukera izango dugu, jaki eta sagardo goxua dastatzen dugun bitartean.

Joan-etorria autobusez eta doan, arratsaldeko 20:00etan Legazpitik irtetengo da, ondoren Zumarragako geltokian geldituko da.  

Animatu eta eman izena. Azken eguna apirilaren 15ean, astelehena.  

Otsailaren 16an: Kantujira Donostian eta sagardotegia Hernanin.

Hemen duzue plana ederra, datorren otsailaren 16an, larunbata:

10:05ean Zumarragan trena hartu - 11:05ean Donostian - 12:00etan Kantujira berezia Donostiako Alde-zaharrean - 13:45ean Donostiako geltokian trena hartu - 13:54ean Hernanin pote pare bat eta... 14:30ean Bazkaria Hernaniko sagardotegi batean - Hortik aurrera egitaraua zehazterik ez dago...

Animatu eta eman izena lehen bai-lehen: zukantari@gmail.com

Donostian Kantuz: 10 urte bete dute.

Donostian Kantuz taldea 10 urte sortu zela eta, KANTUJIRA berezia antolatu dute datorren otsailaren 16rako.

Gipuzkoako eta Euskal Herriko kantu talde guztiak gonbidapen zuzena jaso dute, beraiekin kantuan, urteurren berezi hori ospatzeko. Ondoren bazkaria.

Zorionak... kantuz!.

Kilometroak Andoainen, Urriaren 7an, Kantujira.

Datorren urriaren 7an, Andoainen ospatuko dira aurtengo Kilometroak. Euskal Herria Kantuz sarearekin elkarlanean, KANTUJIRA berezia antolatu dute egitarauan.

Horrela, goizeko 11:30ean, Martin Ugalde kultur parkean emango zaio bertako Kantu-jirari. Ibilbidean kantuan aritu ondoren, eguerdiko 14:00etan amaituko da hasitako leku berean.

Besterik gabe, gonbitea luzatuta dago.. urriaren 7an, Andoaingo Martin Ugalde kultur parkean... Kantu-jira.

Urretxuko jaietan ZU ere Kantari!!!

Bai horixe, Urretxuko jaietan kantari ikusi nahi zaituegu...

Euskal Jaia egunean, irailaren 23an, eguerdian izango dugu kantuan aritzeko lehen saioa, Iparragirre kalean.

Astelehenean berriz urteroko hitzordua, hau da, Abenidako Kantu-Afaria. Aurtengoa berezia izango da, gure kidea, musikaria eta kantuzalea Joxemari joan zitzaigun, hala ere... bere bidea jarraitu eta inoiz baino ozenago kantatuko ditugu bere gustoko abestiak. 

ZU Kantari kideak oholtza gainean ikusi nahi ditugu kantuan... hor duzue gonbitea... zatozte Kantari!!!.

Zumarragako jaiak hasteko KANTUJIRA

Hurrengo KANTUJIRA: Zumarragako jaietan, ekainaren 29an, ostirala, arratsaldeko 19:30ean Iburreta tabernan dagoen plazatxoan.

Ordu erdi bat lehenago (egitarauan 20:00etan jarrita dago), mokadu txiki bat jan, eztarriak busti eta kantuz berotzeko aukera izango dugu.

Zumarragako jaiak alaitasunez hasteko modu atsegin bat, zatoz kantari gurekin!
*oharra: etxean dituzuen kantu-liburuxkak atera, denentzako ez ditugu izango eta.

KANTU AFARIA Jaialai jatetxean

KANTU AFARIA datorren apirilaren 30ean, Jai Alai jatetxean.

Lorea Intxaurrandietak (bere bikotearekin), berak sortutako kantu batzuk eskainiko dizkigu.
Bestetik, gure kantu liburuxkan dauden kantuak abesteko aukera ere eskainiko digu.
Beraz, animatu eta lekua mugatua denez, azkar ibili izena ematerakoan.
Animatu,.. giro bikaina izango dugu bertan!!.

ZU Kantari sagardotegian

Otsailaren 11an, larunbata, Hernaniko sagardotegi batera joateko gonbitea luzatu nahi dizuegu. Deialdia irekia da edonorrentzako. Urretxu-Zumarragatik eguerdian irten eta bazkaltzera joango gara sagardotegira. Bazkalondoren txotxaren inguruan, kantuan eta dantzan aritzeko aukera izango dugu, eta handik irtenda Hernaniko kaleetan ere bai. Beraz, animatu. Izena emateko azken eguna: otsailaren 5a.

Euskal Herria Kantuz sarea martxan

Urtarrilaren 27an, Andoaingo Martin Ugalde kultur parkean elkartu ziren Euskal Herriko kantu taldeen ordezkariak. Bertan EH Kantuz blog berria aurkeztu zen. Proposamenen artean honako gaiak aztertu ziren:
- maiatzaren 20an Kantujira bateratu bat egitea, aurtengo honetan Iruñean egitea proposatu zen.
- Kantujira bateratu horretan, diru-bilketa egin, eta dirua behar duten Nafarroako ikastola bati eskaintzea.
- EH Kantuz dinamika zer den erakusteko DVD bat egitea. Bertan kantujira irudiak, erreportaia eta kantu liburuxka bat txertatzea komentatu zen.
Aurrera begira blogak koordinatzeko aukera emango digu, tartean albistegia eta agenda bateratu bat aurkitzen direlako.

Joxemari Lasa taldekidea joan zaigu,... bere bidea jarraituko dugu!!

Kantujira herrikoia euskararen egunean

Datorren larunbatean, abenduaren 3an, Iparragirre plazan elkartuko gara eguerdiko 12:00etan, euskararen aldeko kantujira egiteko. Kantujira honetan ZU Kantari taldekideekin batera Urretxu-Zumarragako ikasle gazteak egongo dira, Urretxu-Zumarragako bertso-eskolako kideak, eta herriko trikitilariak.

Animatu eta zatozte kantari!!!

ZU Kantari Urretxuko jaietan

"ZU Kantari" Urretxuko jaietan, hemen dituzue kantuan aritzeko hitzordu nagusiak:

- irailaren 18an, "Euskal Jaia", igandea, eguerdiko 13:00etan Iparragirre kalean.

- irailaren 19an, astelehena, gaueko 21:00etan, "Kantu Afaria" abenidan.

Iparragirre kantuz eguna ikusgai: kalez kale eta ekitaldia